ਕੁਝ ਦੋਸਤਾਂ ਨੂੰ ਸੀ ਪਰਖਿਆ ਮੈਂ,
ਕੁਝ ਮੇਰੀ #ਯਾਰੀ ਪਰਖ ਗਏ,
ਲੱਖ ਬੁਰਾ ਕਿਹਾ ਪਰ ਰੁੱਸੇ ਨਾ,
ਕੁਝ ਬਿਨਾ ਕਹੇ ਹੀ ਹਰਖ ਗਏ,
ਕੁਝ ਵਾਰਦੇ ਸੀ ਜਾਨ ਮੇਰੇ ਤੋਂ,
ਕੁਝ ਆਈ ਮੁਸੀਬਤ ਸਰਕ ਗਏ,
ਕੁਝ ਜਖਮ ਦਿੰਦੇ ਵੀ ਥੱਕੇ ਨਾ,
ਕੁਝ ਸੀਨਾ ਬੰਨ ਕੇ ਤੜਫ ਗਏ,
ਉਹ ਦੋਸਤ ਮੈਨੂੰ ਕਦੇ ਨਹੀਂ ਭੁੱਲਣੇ
ਜੋ ਬਣ ਜਿੰਦਗੀ ਦੇ ਹਰਫ ਗਏ..

ਗੁੱਸਾ ਨਾਂ ਮਨਾਇਓ ਕਿਸੇ ਗੱਲ ਦਾ
ਛੋਟਿਆਂ ਦੀ ਛੋਟੀ ਹੁੰਦੀ ਮੱਤ ਜੀ
ਬਾਕੀ ਤੁਸੀਂ ਮੇਰੇ ਤੋਂ ਸਿਆਣੇ ਓ
ਮੈਂ ਤਾਂ ਇਹੋ ਕਢਿਆ ਏ ਤੱਤ ਜੀ
ਦੋਲਤਾਂ ਤਾਂ ਜੱਗ ਤੇ ਬਥੇਰੀਆਂ
ਪੈਸੇ ਤੋਂ ਜਰੂਰੀ ਹੁੰਦੀ ਪੱਤ ਜੀ

ਯਾਦਾਂ ਤੇਰੀਆਂ 'ਚ ਜਿਉਦੇ ਹਾਂ,
ਇਕ ਦਿਨ ਯਾਦਾਂ ਵਿਚ ਹੀ ਮਰ ਜਾਵਾਂਗੇ,
ਮਰ ਕੇ ਵੀ ਅਸੀਂ ਇੱਕ ਤਾਰਾ ਬਣ ਜਾਣਾ,
ਫਿਰ ਤੇਰੇ ਲਈ ਕਾਲੀਆਂ ਰਾਤਾਂ ਨੂੰ ਰੁਸ਼ਨਾਵਾਂਗੇ ,
ਦੂਰ ਰਹ ਕੇ ਵੀ 'ਗੁਰਪ੍ਰੀਤ' ਨੇ ਤੈਨੂੰ ਪਾ ਲਿਆ ਏ,
ਜਿਵੇਂ ਚਕੋਰ ਨੇ #ਚੰਨ ਨੂੰ ਪਾਇਆ ਏ,
ਹੁਣ ਤੂੰ ਕਦੇ ਨਾ ਆਉਣਾ ਸਾਡੇ ਵੱਲ,
ਜਿਵੇ ਚੰਨ, ਚਕੋਰ ਲਈ,
ਕਦੇ ਧਰਤੀ ਤੇ ਨਾ ਆਇਆ ਏ...

ਕਿਸੇ ਵਿਚ ਸ਼ਮਸ਼ਾਨਾਂ ਮੈਂ ਇੱਕ ਫੁੱਲ ਖਿਲਿਆ,
ਕਿਸੇ ਚਿਤਾ ਦੀ ਅੱਗ ਨੇ ਮੈਨੂੰ ਆਣ ਜਲਾ ਦਿੱਤਾ,
ਮੈਂ ਇੱਕ ਪਿਆਸਾ, ਲਭਾਂ ਪਾਣੀ ਤਾਈਂ,
ਖੋਰੇ ਕਿਸ ਚੰਦਰੇ ਨੇ ਮੈਨੂੰ ਪਾਣੀ ਦੀ ਥਾਂ ਜ਼ਹਿਰ ਪਿਲਾ ਦਿੱਤਾ,
ਜ਼ਿੰਦਗੀ ਵਿਚ ਕਦੇ ਜ਼ਿੰਦਗੀ ਮੇਰੀ ਨਾ ਹੋਈ ,
ਲੇਖਾਂ ਦੇ ਇਹਨਾਂ ਚੰਦਰੇ ਗੇੜਾਂ ਨੇ 'ਗੁਰਪ੍ਰੀਤ' ਨੂੰ ਤਾਂ,
ਜਿਉਂਦੇ ਜੀ ਮੌਤ ਨਾਲ ਵਿਆਹ ਦਿੱਤਾ...

ਜੇ ਤੂੰ ਮਿਲਦੀ ਨਾਲ ਫਕੀਰੀ ਦੇ
ਮੈਂ ਚੋਲਾ ਫਕੀਰੀ ਦਾ ਪਾ ਜਾਂਦਾ
ਜੇ ਤੂੰ ਮਿਲਦੀ ਵਿੱਚ ਅਸਮਾਨਾ ਦੇ
ਮੈਂ ਪੰਛੀ ਬਣ ਕੋਈ ਆ ਜਾਂਦਾ
ਜੇ ਤੂੰ ਰਾਹੀ ਹੁੰਦੀ ਮੇਰੀਆਂ ਰਾਹਾਂ ਦੀ
ਧੂੜ ਬਣ ਰਾਹਾਂ 'ਚ ਸਮਾ ਜਾਂਦਾ
ਕਾਸ਼!, ਜਿੰਦ ਬੇਚ ਕੇ ਵੀ ਤੂੰ ਮਿਲ ਜਾਂਦੀ
ਆਪਣੀ ਜਿੰਦ ਵੀ ਲੇਖੇ ਲਾ ਜਾਂਦਾ....