Pareshan ''PAPPU'' ki kahani...
Pareshan thi Pappu ki wife,
Non happening thi jo uski life,
Pappu ko na milta tha aaram,
office me karta kaam hi kaam,

Pappu ke boss bhi the bade cool,
Promotion ko har baar jate bhul,
par bhulte nahi the wo deadline,
kaam to karwate the roz till nine,

Pappu bhi banana chahta tha best,
isliye to wo nahi karta tha rest,
din raat karta wo boss ki gulami,
Appraisal ke ummid main deta salami,

din guzre aur guzre fir saal,
bura hota gaya pappu ka haal,
pappu ko ab kuch yaad na rehta tha,
galti se biwi ko behanji kehta tha,

aakhir ek din Pappu ko samaj aya,
aur chod di usne appraisal ki moh maya,
boss se bola,''tum kyon satate ho?''
''appraisal ke laddu se buddu banate ho''

''promotion do warna chala jaunga''
''appraisal dene par bhi wapas na aaunga''
Boss hass ke bola ''nahi koi baat''
''abhi aur bhi pappus hai mere paas''

''yeh duniya pappuon se bhari hai''
''sabko bas aage badhne ki padi hai''
''tum na karoge to kise aur karaunga''
''tumhari tarah ek aur pappu banaonga''