Main Lamhon Ko Waqt Ki Pukar Deta Hoon,
Isi Lagan Mein Kayi Shaamein Guzaar Deta Hoon...

Main Yunhi Har Ek Se Be-Rabt Nahi Milta,
Har Ek Shakhs Ko Us Ka Mayyaar Deta Hoon...

Main Gham Ki Kashti Ko Dubona Nahi Chahta,
Bojh Badh Jaye To Kuch Utar Deta Hoon...

Khushiyan Koi Maange To Muft Deta Hoon,
Gham Maange Koi To Udhaar Deta Hoon...

Badla Lena Meri Fitrat Mein Nahi 'Saaqi',
Khizaan Ke Badle Bahaar Deta Hoon !!!