ਸਾਡੇ ਬਾਰੇ ਤੂੰ ਕੁੜੀਏ ਰੱਖੀਂ ਨਾ ਭੁਲੇਖਾ,
ਅਸੀਂ ਸ਼ੌਂਕੀ ਸਰਦਾਰਾਂ ਦੇ ਸ਼ੌਂਕੀ ਕਾਕੇ ਨੀ,
ਇੱਕ ਡਰਦੇ ਸਿਰਫ਼ ਉੱਪਰ ਵਾਲੇ ਤੋਂ,
ਨਾ ਹੋਰ ਕਿਸੇ ਦੇ ਫ਼ਿਕਰ ਨਾ ਫ਼ਾਕੇ ਨੀ,
ਦੁੱਧ ਮੱਖ਼ਣਾਂ ਨਾਲ ਪਾਲੇ ਪੁੱਤ ਮਾਵਾਂ ਦੇ,
ਸ਼ਰੀਰ ਬਣਾਏ ਸਾਦੀਆਂ ਖ਼ੁਰਾਕਾਂ ਖਾ ਕੇ ਨੀ,
ਸ਼ਿਕਾਰੀ ਹੈਗੇ ਅਸੀਂ ਸੋਹਣੀਏ ਅੱਤ ਦੇ,
ਸਦਾ ਰੱਖਦੇ ਟੌਹਰ ਸ਼ੋਕੀਨੀ ਲਾਕੇ ਨੀ,
ਚਿੱਟਾ ਕੁੜਤਾ ਪਜਾਮਾ ਹੈਗਾ ਸ਼ਾਨ ਸਾਡੀ,
ਰੱਖਦੇ ਸਦਾ #BRANDED ਪਾਕੇ ਨੀ,
ਯਾਰ ਸਾਡੇ ਛੁਰੀਆਂ ਤਲਵਾਰਾਂ ਵਰਗੇ,
ਦਿਨ ਦਿਹਾੜੇ ਕਰਦੇ ਬੇਖ਼ੋਫ ਵਾਕੇ ਨੀ,
ਪਹਿਲਾਂ ਕਦੇ ਕਿਸੇ ਤੇ ਵਾਰ ਨੀ ਕਰਦੇ,
ਪਿੱਛੋਂ ਲਾ ਦੇਈਏ ਆਸ਼ਮਾਨੀ ਟਾਕੇ ਨੀ,
ਅਸੀਂ ਫੈਨ ਸਰਦਾਰ ਭਗਤ ਸਿੰਘ ਦੇ,
ਸ਼ੋਂਕ ਸੋਹਣੀਆਂ ਕੁੜੀਆਂ ਦੇ ਝਾਕੇ ਨੀ,
ਨਾ ਕਿਸੇ ਵਾਗੂੰ ਕਿਸੇ ਦੇ ਪਿੱਛੇ ਜਾਈਏ,
ਨਾ ਲਾਈਦੇ ਕਦੇ ਮੰਡੀਰਾ ਵਾਂਗ ਨਾਕੇ ਨੀ,
ਹੋਰ ਕਿਸੇ ਨਸ਼ੇ ਨੂੰ ਹੱਥ ਨਈਂਓ ਲਾਉਂਦੇ,
ਰਹਿੰਦੇ ਮਸਤ ਕਾਲੀ ਨਾਗਨੀ ਖਾਕੇ ਨੀ,
ਨਹਾ ਕੇ ਸਵੇਰੇ ਨਿੱਤ ਗੁਰਬਾਣੀ ਸੁਣ ਲੈਂਦੇ,
ਸ਼ਾਮ ਵੀ ਲੰਘ ਜਾਂਦੀ #ਚਮਕੀਲਾ ਗਾਕੇ ਨੀ,
ਰਹੀ ਬਚ ਕੇ ਤੂੰ ਅੱਲੜ੍ਹ ਮੁਟਿਆਰੇ ਨੀ,
ਸਿਖ਼ਰ ਦੁਪਹਿਰੇ ਮਾਰਦੇ ਦਿਲਾਂ ਤੇ ਡਾਕੇ ਨੀ,
ਹਰ ਥਾਂ ਪੰਜ਼ਾਬੀਆਂ ਦੇ ਨਾਂ ਦਾ ਸਿੱਕਾ ਚੱਲਦਾ,
ਜੇ ਨਹੀ ਯਕੀਨ ਦੇਖ ਲਈ ਥਾਂ ਥਾਂ ਜਾ ਕੇ ਨੀ ;) :)

ਕਹਿੰਦੇ ਹੁੰਦੇ ਸਿਆਣੇ ਹੰਝੂ ਨੇ ਨਿਸ਼ਾਨੀ ਵਫਾ ਦੀ,
ਪਰ ਉਨਾਂ ਦੇ ਸਾਰੇ ਹੰਝੂ ਖ਼ਾਰੇ ਨਿਕਲੇ...
ਜਿੰਨਾਂ ਕਸਮਾਂ ਵਾਅਦਿਆਂ ਤੇ ਸੀ ਯਕੀਨ ਸਾਨੂੰ,
ਕੱਲਾ ਕੱਲਾ ਕਰਕੇ ਸਾਰੇ ਲਾਰੇ ਨਿਕਲੇ...
ਹਰ ਇੱਕ ਥਾਂ ਖੜਾਂਗੇ ਤੇਰੇ ਨਾਲ ਚਟਾਣ ਬਣਕੇ,
ਆਖਿਰ ਝੂਠੇ ਉਨਾਂ ਦੇ ਸਹਾਰੇ ਨਿਕਲੇ...
ਇਸ਼ਕੇ ਦੀ ਖੇਡ ਦਾ ਹਸ਼ਰ ਹੋਇਆ ਮਾੜਾ ਆਖਿਰ,
ਬਾਜ਼ੀ ਉਹ ਜਿੱਤੇ ਨਿਕਲੇ ਤੇ ਅਸੀਂ ਹਾਰੇ ਨਿਕਲੇ...!!!

ਲੋਕ ਸਾਧੂ ਸੰਤਾਂ ਨੂੰ ਵੀ ਚੋਰ ਸਮਝ ਲੈਂਦੇ,
ਬਿਨਾਂ ਪੁੱਛੇ ਬੇਗਾਨੀ ਪੋੜੀ ਚੜੀ ਦਾ ਨੀ ਹੁੰਦਾ,
ਨਾ ਲਿਖੀਏ ਆਪਣਾ ਦਰਦ ਕਿਸੇ ਸਾਹਮਣੇ,
ਕਿਸੇ ਦਾ ਦਰਦ ਕਿਸੇ ਸਾਹਮਣੇ ਪੜੀ ਦਾ ਨੀ ਹੁੰਦਾ,
ਹਰ ਦਿਲ ਵਿੱਚ ਯਾਰਾ ਇੱਥੇ ਰੱਬ ਵਸਦਾ,
ਨਿੱਕੀ ਨਿੱਕੀ ਗੱਲੋ ਕਿਸੇ ਨਾਲ ਲੜੀ ਦਾ ਨੀ ਹੁੰਦਾ,
ਅੱਜ ਨਹੀ ਤਾਂ ਕੱਲ ਖੜੇ ਹੋ ਜਾਣੇ ਮਹਿਲ ਮੁਨਾਰੇ,
ਕਿਸੇ ਦੀ ਹੁੰਦੀ ਦੇਖ ਤਰੱਕੀ ਸੜੀ ਦਾ ਨੀ ਹੁੰਦਾ,
ਵੈਰ ਕੱਢਣ ਵਾਲਾ ਆਖਿਰ ਵੈਰ ਕੱਢ ਹੀ ਜਾਂਦਾ,
ਐਵੇ ਹਰੇਕ ਨਾਲ ਬਹੁਤਾ ਅੜੀ ਦਾ ਨੀ ਹੁੰਦਾ,
ਹੋਈ ਗਲਤੀ ਤਾਂ ਉਸਨੂੰ ਸਿਰ ਮੱਥੇ ਮੰਨੀਏ,
ਆਪਣਾ ਦੋਸ਼ ਕਿਸੇ ਸਿਰ ਮੜੀ ਦਾ ਨੀ ਹੁੰਦਾ,
ਮਾੜਿਆਂ ਨਾਲ ਰਹਿ ਕੇ ਨਾ ਕੋਈ ਚੰਗਾ ਬਣਦਾ,
ਮਾੜੇ ਲੋਕਾਂ ਵਿੱਚ ਬਹੁਤਾਂ ਖੜੀ ਦਾ ਨੀ ਹੁੰਦਾ,
ਜੇ ਸੋਹਣਿਆਂ ਦੇ ਪਿਆਰ ਦੀ ਇੱਜ਼ਤ ਕਰੀਏ,
ਹਰ ਰੋਜ਼ ਮਹਿਬੂਬ ਗਲੀ ਵੜੀ ਦਾ ਨੀ ਹੁੰਦਾ,
ਪਰਖ ਕਰਕੇ ਹੀ ਅਪਣੇ ਯਾਰ ਬਣਾਈਏ,
ਹਰ ਇੱਕ ਨੂੰ ਨਗੀਨਿਆਂ ਦੀ ਥਾਂ ਜੜੀ ਦਾ ਨੀ ਹੁੰਦਾ,
ਸੱਚੀ ਮੁੱਹਬਤ ਮਿਲਦੀ ਇੱਕ ਵਾਰ ਜ਼ਿੰਦਗੀ 'ਚ,
ਹਰ ਰੋਜ਼ ਕਿਸੇ ਦੇ ਇਸ਼ਕ ਵਿੱਚ ਹੜੀ ਦਾ ਨੀ ਹੁੰਦਾ...

ਇੱਕ ਸਾਹ ਵਿੱਚ ਸਮੁੰਦਰ ਬੇਵਫਾਈਆਂ ਦਾ ਪਾਰ ਨੀ ਹੁੰਦਾ,
ਕੀਤੀ ਏ ਸੱਚੀ ਮੁੱਹਬਤ ਇੱਕੋ ਦਮ ਤੈਨੂੰ ਵਿਸਾਰ ਨੀ ਹੁੰਦਾ,
ਸਣੇ ਸੂਦ ਮੋੜਾਂਗੇ ਕਿਸ਼ਤਾਂ ਤੇਰੇ ਕੀਤੇ ਝੂਠੇ ਪਿਆਰ ਦੀਆਂ,
ਥੋਕ ਵਿੱਚ ਹੁਣ ਸਾਥੋਂ ਵੀ ਬੇਕਦਰਾ ਇਸ਼ਕ ਵਪਾਰ ਨੀ ਹੁੰਦਾ,

ਕਿੰਨੀਆ ਠੋਕਰਾਂ ਖਾਦੀਆਂ ਥਾਂ ਥਾਂ ਤੂੰ ਪੱਥਰ ਰੱਖੇ ਰਾਹਾਂ 'ਚ,
ਸਰੇਆਮ ਕਰਾਂਗੇ ਸਭ ਪਿੱਠ ਤੇ ਤੇਰੇ ਇੱਕ ਵੀ ਵਾਰ ਨੀ ਹੁੰਦਾ,
ਹਿਸਾਬ ਕਰਾਂਗੇ ਇੱਕ ਇੱਕ ਚੋਟ ਦਾ ਚਲਦੇ ਤੂੰ ਸਾਹ ਰੱਖੀਂ,
ਰੱਬ ਕਰੂ ਖੈਰ ਉਦੋ ਤੱਕ ਅਰਥੀ ਤੇ ਮੈਂ ਵੀ ਸਵਾਰ ਨੀ ਹੁੰਦਾ...

ਸਾਰੇ ਰਮਜਾਂ ਦੀ ਦਵਾਈ ਮਿਲ ਜਾਂਦੀ ਏ ਇੱਕ ਮੋਤ ਤੋ,
ਐਵੇ ਹੀ ਜਿੰਦਗੀ ਤੋ ਜਖ਼ਮਾ ਤੇ ਮਲਹਮ ਲਗਾਉਂਦੇ ਰਹੇ,

ਸਮਸ਼ਾਨਾਂ ਵਿੱਚ ਸੁੱਕੀਆਂ ਲੱਕੜਾਂ ਉਡੀਕਦੀਆਂ ਰਹੀਆਂ,
ਸਾਰੀ ਜਿੰਦਗੀ ਗਿੱਲੀਆਂ ਲੱਕੜਾਂ ਨੂੰ ਅੱਗ ਲਾਉਂਦੇ ਰਹੇ,

ਹਰ ਇੱਕ ਚੰਗੇ ਮਾੜੇ ਨੂੰ ਗਲ ਨਾਲ ਲਾ ਲੈਂਦੀ ਇਹ ਮੋਤ,
ਮਾੜਾ ਨਾ ਕੋਈ ਕਹਿ ਜੇ ਬੋਚ ਬੋਚ ਪੱਬ ਟਿਕਾਉਂਦੇ ਰਹੇ,

ਮੋਤ ਹੀ ਆਖਿਰ ਕਰਦੀ ਏ ਵਫਾ ਧੋਖੇ ਬਾਜ਼ ਜਿੰਦਗੀ ਤੋ,
ਐਵੇ ਬੇਵਫਾ ਜਿੰਦਗੀ ਤੋ ਸਾਰੀ ਉਮਰ ਵਫਾ ਚਾਹੁੰਦੇ ਰਹੇ...