ਤੂੰ ਕੀ ਜਾਣੇ ਤੈਨੂੰ ਆਪਣਾ ਬਨਾਉਣ ਲਈ ਸੱਜਣਾਂ,
ਅਸੀਂ #ਜ਼ਿੰਦਗੀ ਚ ਕਿੰਨੀਆਂ ਮੁਸ਼ਕਿਲਾਂ ਟਾਲੀਆਂ,
ਦਿਨ ਬੜੇ ਔਖੇ ਲੰਘਦੇ ਸਾਡੇ ਤੇਰੇ ਬਿਨਾਂ ਜੱਗ ਤੇ,
ਬੜੀ ਮੁਸ਼ਕਿਲ ਨਾਲ ਲੰਘਦੀਆਂ ਰਾਤਾਂ ਕਾਲੀਆਂ,
ਉਸ ਰੱਬ ਨੂੰ ਪਤਾ ਨੀ ਕੀ ਮਨਜ਼ੂਰ ਹੋਣਾ ਆਖਿਰ,
ਪਰ ਤੇਰੇ ਨਾਲ ਜੀਣ ਲਈ ਅਸੀਂ ਉਮਰਾਂ ਗਾਲੀਆਂ,
ਲਗਦਾ ਕਬਰਾਂ ਤੱਕ ਜਾਣਗੀਆਂ ਸਾਡੇ ਨਾਲ ਯਾਰਾਂ,
ਜੋ ਤੈਨੂੰ ਪਾਉਣ ਲਈ ਅਸੀਂ ਦਿਲ 'ਚ ਰੀਝਾਂ ਪਾਲੀਆਂ...
ਸਾਡੇ ਅੰਦਰ ਦਰਦ ਵਥੇਰੇ ਬਾਹਰੋਂ ਸਾਰੇ #ਜ਼ਖਮ ਮਿਟਾਏ ਹੋਏ ਨੇ,
ਕੰਢਿਆਂ ਨੂੰ ਨਈ ਅਜ਼ਮਾਉਣਾਂ ਫੁੱਲਾਂ ਤੋ ਫੱਟ ਅਸੀਂ ਖਾਏ ਹੋਏ ਨੇ,
ਸਾਡੀ ਬੇਗੁਨਾਹੀ ਨਾ ਹੀ ਕਦੇ ਸਾਬਿਤ ਹੋਈ ਨਾ ਹੀ ਕਦੇ ਹੋਣੀ ਏ,
ਸਾਡੇ ਸੱਜਣਾਂ ਨੇ #ਇਲਜ਼ਾਮ ਹੀ ਸਿਰ ਤੋਂ ਪੈਰਾਂ ਤੱਕ ਲਾਏ ਹੋਏ ਨੇ,
ਅਸੀਂ #ਬੇਦਰਦ ਯਾਰੋ ਇੰਨੇ ਕਿਸੇ ਦੇ ਦਰਦ ਵੀ ਨੀ ਖਰੀਦ ਸਕਦੇ,
ਪੱਲੇ ਸਾਡੇ ਕੱਖ ਨਾਂ ਦਿਲ ਦੀ ਭਾਣ ਚੋ ਸਾਰੇ ਸਿੱਕੇ ਮੁਕਾਏ ਹੋਏ ਨੇ,
ਨਾਂ ਮੈਂ ਸਾਥ ਨਿਭਾਉਣਾ ਕਿਸੇ ਦਾ ਨਾਂ ਸਾਥੀ ਕਿਸੇ ਨੇ ਬਨਣਾ ਮੇਰਾ,
“ਧਰਮ“ ਦੁਨੀਂਓ ਦੂਰ ਅਸੀਂ ਘਰ ਕਬਰਾਂ ਨਾਲ ਸਾਂਝੇ ਪਾਏ ਹੋਏ ਨੇ... :(
ਇੱਕ #ਬੇਵਫਾ ਦਿਲ ਲੁਕਿਆ ਸੀ ਮੇਰੇ ਸੋਹਣੇ ਯਾਰ ਅੰਦਰ,
ਫਿਰ ਇੱਕ #ਧੋਖਾ ਹੋ ਚੱਲਿਆ ਲੱਗਦੇ ਸੱਚੇ #ਪਿਆਰ ਅੰਦਰ,
ਬੇਗਾਨਿਆਂ ਦੀ ਮਾਰ ਵਿੱਚ ਉਹ #ਦਰਦ ਤੇ ਜ਼ਖਮ ਕਿੱਥੇ,
ਜਿਹੜੇ ਲੁਕੇ ਹੁੰਦੇ ਨੇ ਅਪਣੇ ਸੋਹਣੇ ਯਾਰਾਂ ਦੇ ਵਾਰ ਅੰਦਰ,
ਇਸ ਦੁਨੀਆਂ 'ਚ ਬਿਨਾਂ ਮਤਲਬ ਕੋਈ ਪਿਆਰ ਨੀ ਕਰਦਾ,
ਮਤਲਬ ਨਿਕਲਣ ਤੇ ਛੱਡ ਜਾਂਦੇ ਸਾਰੇ ਇਸ ਸੰਸਾਰ ਅੰਦਰ,
ਸੱਚ ਜਾਣੀ “ਧਰਮ“ ਲੋੜ ਪੈਣ ਤੇ ਨੇ ਸਭ ਪਿਆਰ ਕਰਦੇ,
ਤੇ ਵਕਤ ਪੈਣ ਤੇ ਕੱਢ ਜਾਂਦੇ ਨੇ ਜੋ ਹੁੰਦੀ ਲੁਕੀ ਖ਼ਾਰ ਅੰਦਰ...
ਸਾਡੀ ਜ਼ਿੰਦਗੀ ਦਾ ਕੀਮਤੀ ਸਮਾਂ ਯਾਰੋ ਉਹ ਖਰਚ ਗਏ,
ਜਦੋ ਦਿਲ ਕੀਤਾ ਬੇਝਿਜ਼ਕ ਯਾਰੋ ਉਹ ਸਾਨੂੰ ਵਰਤ ਗਏ,
ਸਾਡੀ ਜ਼ਿਦਗੀ ਚ ਆਉਣ ਦੀਆਂ ਸ਼ਰਤਾਂ ਲੱਖ ਰੱਖੀਆਂ,
ਜਦੋ ਜ਼ਿੰਦਗੀ ਚੋ ਗਏ ਯਾਰੋ ਬਿਨਾਂ ਦੱਸੇ ਬੇ ਸ਼ਰਤ ਗਏ,
ਮੇਰੇ ਦਿਲ ਨਾਲ ਖੇਡਦੇ ਖੇਡਦੇ ਹੀ ਉਹ ਜਵਾਨ ਹੋ ਗਏ,
ਦਿਲ ਤੋੜਦਿਆਂ ਹੀ ਯਾਰੋ ਉਹ ਅਪਣੇ ਘਰ ਪਰਤ ਗਏ,
ਜਦੋ ਲੋੜ ਸੀ ਸਾਡੀ ਹਰ ਪਲ ਸਾਡੇ ਕਰੀਬ ਆਉਂਦੇ ਗਏ,
ਜਦੋ ਦਿਲ ਭਰ ਗਿਆ ਯਾਰੋ ਉਹ ਸਾਥੋਂ ਪਰਾਂ ਸਰਕ ਗਏ...
ਅੱਖਾਂ ਵਿੱਚ ਰੜਕਦਾ ਹਮੇਸ਼ਾਂ ਬੰਦੇ ਨੂੰ ਵਾਲ ਤੰਗ ਕਰਦਾ,
ਵਿੱਛੜ ਗਿਆਂ ਨੂੰ ਹਰ ਪਲ ਮਹੀਨਾ ਸਾਲ ਤੰਗ ਕਰਦਾ,
ਮੌਤ ਕਿਸੇ ਨੀ ਯਾਦ ਫਿਰਦਾ ਹਰ ਕੋਈ ਸਿਕੰਦਰ ਬਣਕੇ,
ਮਰ ਮੁੱਕਿਆ ਨੂੰ ਜੱਗ ਤੇ ਜੀਣ ਦਾ ਸਵਾਲ ਤੰਗ ਕਰਦਾ,
ਗੂੜ੍ਹੀਆਂ ਪਰੀਤਾਂ ਪਾਕੇ ਬੰਦਾ ਭੁੱਲ ਜਾਂਦਾ ਉੱਪਰ ਵਾਲੇ ਨੂੰ,
ਪਰ ਪਿਆਰ ਵਿੱਚ ਵਿੱਛੜਣ ਦਾ ਖ਼ਿਆਲ ਤੰਗ ਕਰਦਾ,
ਕੋਈ ਫ਼ਿਕਰ ਫ਼ਾਕਾ ਨੀ ਹੁੰਦਾ ਜ਼ਿੰਦਗੀ 'ਚ ਚੜ੍ਹਦੀ ਉਮਰੇ,
ਛੜੇ ਬੰਦੇ ਨੂੰ ਆਖ਼ਿਰ ਸ਼ੀਤ ਲਹਿਰ ਸਿਆਲ ਤੰਗ ਕਰਦਾ...
