ਜਦੋ ਤੂੰ ਕਦੇ ਮਲਹਮ ਲਾਉਣਾ ਹੀ ਨਹੀ,
ਫੇਰ ਤੈਨੂੰ #ਜ਼ਖਮ ਵਿਖਾ ਕੇ ਅਸੀਂ ਕੀ ਲੈਣਾ,
ਜਦੋਂ ਤੂੰ ਸਾਨੂੰ ਕਦੇ ਤੱਕਣਾਂ ਹੀ ਨਹੀ,
ਫੇਰ ਤੇਰੀ ਗਲੀ ਜਾ ਕੇ ਅਸੀਂ ਕੀ ਲੈਣਾ,
ਜਦੋ ਤੂੰ ਸਾਡੀ #ਜ਼ਿੰਦਗੀ ਬਨਣਾ ਹੀ ਨਹੀ,
ਫੇਰ ਅਪਣਾ ਵਕਤ ਗਵਾਕੇ ਅਸੀਂ ਕੀ ਲੈਣਾ,
ਜਦੋ ਪੀੜ ਤੈਨੂੰ ਮਹਿਸੂਸ ਹੀ ਨਹੀ ਹੋਣੀ,
ਫੇਰ ਤੈਨੂੰ ਦਰਦ ਸੁਣਾ ਕੇ ਅਸੀਂ ਕੀ ਲੈਣਾ,
ਜਦੋ ਤੂੰ ਸਾਡੇ ਹੰਝੂ ਕਦੇ ਪੂੰਝਣੇ ਹੀ ਨਹੀ,
ਫੇਰ ਅੱਖੋਂ ਨੀਰ ਵਹਾ ਕੇ ਅਸੀਂ ਕੀ ਲੈਣਾ,
ਜਦੋ ਯਾਰ ਤਾਂ ਸਾਡਾ ਮੰਨਿਆ ਹੀ ਨਹੀ,
ਫੇਰ ਰੱਬ ਨੂੰ ਵੀ ਮਨਾ ਕੇ ਅਸੀਂ ਕੀ ਲੈਣਾ :(
ਇਹ ਕੀ ਸਿਤਮ ਕਰ ਗਈ ਤੂੰ, ਕਿੱਦਾਂ ਸਭ ਕੁਝ ਜਰ ਗਈ ਤੂੰ,
ਸਾਡਾ ਸਭ ਕੁਝ ਤਬਾਹ ਕੀਤਾ, ਕਿਉਂ ਅੱਗ ਬਣ ਵਰ ਗਈ ਤੂੰ,
ਸਾਡੀ ਜ਼ਿੰਦਗੀ ਬਣਾ ਜਹਿਰ, ਖੁਦ ਲੂਣ ਵਾਂਗ ਖਰ ਗਈ ਤੂੰ,
ਸਾਡੀ ਕਸ਼ਤੀ ਡੋਬ ਕਿਨਾਰੇ, ਕਿਹੜੇ ਸਾਗਰ ਤਰ ਗਈ ਤੂੰ,
ਕਤਲ ਸਾਡਾ ਕਾਤਿਲ ਵੀ ਮੈਂ, ਸਭ ਮੇਰੇ ਨਾਮ ਧਰ ਗਈ ਤੂੰ,
ਅਸੀਂ ਹਾਰ ਕੇ ਵੀ ਜਿੱਤ ਚੱਲੇ, ਜਿੱਤ ਕੇ ਵੀ ਸਭ ਹਰ ਗਈ ਤੂੰ,
ਹਾਸਾ ਤੈਨੂੰ ਨਸੀਬ ਨਈ ਹੋਣਾ, ਹੰਝੂ ਸਾਡੀ ਝੋਲੀ ਭਰ ਗਈ ਤੂੰ
ਅਸੀਂ ਜਿਉਂਦੇ ਲਾਸ਼ ਬਣ ਚਲੇ, ਸਾਡੇ ਲਈ ਸਦਾ ਮਰ ਗਈ ਤੂੰ :( :'(
ਜਿੰਨਾਂ ਨੂੰ ਅਸੀਂ ਲੁੱਕ ਲੁੱਕ ਕੇ ਪਿਆਰ ਕੀਤਾ,
ਉਨਾਂ ਨੇ ਜ਼ਲੀਲ ਸਾਨੂੰ ਯਾਰੋ ਸ਼ਰੇਆਮ ਕੀਤਾ,
ਸਾਡੇ ਲਈ ਜਿੰਨਾਂ ਦਾ #ਪਿਆਰ ਅਨਮੋਲ ਸੀ,
ਉਨਾਂ ਸਾਡਾ ਪਿਆਰ ਪਲਾਂ ਚ ਨਿਲਾਮ ਕੀਤਾ,
ਆਪ ਉਹ ਯਾਰੀ ਤੋੜ ਕੇ ਵੀ ਮਸ਼ਹੂਰ ਹੋ ਗਏ,
ਸਾਨੂੰ ਯਾਰੀ ਨਿਭਾਉਣ ਲਈ ਵੀ ਬਦਨਾਮ ਕੀਤਾ,
ਸਾਰੇ ਕਰਕੇ ਕਸੂਰ ਵੀ ਉਹ ਬੇਕਸੂਰ ਹੋ ਗਏ,
ਕੱਲਾ ਕੱਲਾ ਇਲਜ਼ਾਮ ਸੱਜਣਾ ਮੇਰੇ ਨਾਮ ਕੀਤਾ
ਸਾਹ ਚਲਦਿਆਂ ਵੀ ਅਸੀਂ ਹਾਂ ਲਾਸ਼ ਬਣ ਚੱਲੇ,
ਐਸਾ ਸੱਜਣਾਂ ਨੇ ਸਾਡੀ ਮੌਤ ਦਾ ਇੰਤਜ਼ਾਮ ਕੀਤਾ... :(
ਜੋ ਸਖਸ਼ ਨਿੱਤ ਮੰਗਦਾ ਸੀ ਦੁਆਵਾਂ ਮੇਰੀ ਮੌਤ ਦੀਆਂ,
ਮੇਰੇ ਜਨਾਜ਼ੇ ਵਿੱਚ ਉਹ ਵੀ ਸ਼ਾਮਿਲ ਹੋਇਆ ਹੋਣਾ ਏ,
ਸਾਡੀ ਬਦਨਾਮੀ ਤੇ ਹੱਸਦਾ ਸੀ ਜੋ ਰਲ ਗੈਰਾਂ ਨਾਲ,
ਮੇਰੀ ਲਾਸ਼ ਦੇਖ ਕੇ ਅੱਜ ਉਹ ਵੀ ਰੋਇਆ ਹੋਣਾ ਏ,
ਜੋ ਕਹਿੰਦਾ ਸੀ ਮੈਨੂੰ ਕਦੇ ਮੁੜ ਸ਼ਕਲ ਨਾ ਦਿਖਾਈਂ,
ਮੇਰਾ ਮੁੱਖ ਵੇਖ ਕੇ ਅੱਜ ਉਹ ਵੀ ਮੋਇਆ ਹੋਣਾ ਏ,
ਜਿਸਨੁੰ ਜਿਉਂਦੇ ਜੀਅ ਪਾ ਕੇ ਮੈਂ ਖੋਇਆ ਸੀ ਕਦੇ,
ਅੱਜ ਮੈਨੂੰ ਗਵਾ ਕੇ ਉਸ ਨੇ ਵੀ ਕੁਝ ਖੋਇਆ ਹੋਣਾ ਏ...
ਸੱਜਣਾ ਦੇ ਦਿੱਤੇ ਗਮ ਸਾਨੂੰ ਜੀਣ ਦੀ ਜਾਂਚ ਸਿਖ਼ਾ ਗਏ ਨੇ,
ਜਿੰਨੀ ਬਚੀ ਜ਼ਿੰਦਗੀ ਪੀਣ ਲਈ ਠੇਕਿਆਂ ਤੇ ਬਿਠਾ ਗਏ ਨੇ,
ਅਸੀਂ ਕਦੇ ਸੁਪਨੇ ਵਿੱਚ ਵੀ ਨੀ ਸੋਚਿਆ ਜੋ ਕੀਤਾ ਉਨਾਂ ਨੇ,
ਬੇਦਰਦ ਸਾਡੀ ਜ਼ਿੰਦਗੀ ਵਿੱਚ ਐਸਾ ਭਾਣਾਂ ਵਰਤਾ ਗਏ ਨੇ,
ਲੋਕ ਤਾਂ ਸਾਰੀ ਜ਼ਿੰਦਗੀ ਮਰ ਚੁੱਕਿਆਂ ਨੂੰ ਵੀ ਚੇਤੇ ਰੱਖ ਲੇਂਦੇ,
ਸਾਡੇ ਸੱਜਣ ਸਾਨੂੰ ਯਾਰੋ ਜੱਗ ਤੇ ਜਿਉਂਦੇ ਜੀਅ ਭੁਲਾ ਗਏ ਨੇ... :(
